Француската фармацевтска компанија „Санофи“ ги откажа плановите за производство на сопствена вакцина против Ковид-19, темелена на mRNA технологија, поради доминантната пазарна улога на корпоративниот сојуз меѓу „БајонТек/„Фајзер“ и „Модерна“ во борбата против пандемијата, соопштија денеска дирекцијата на компанијата во Париз.
Британските медиуми пренесуваат дека француската фармацевтска групација место тоа ќе се фокусира на напорите со британскиот партнер „ГлаксоСмитКлајн“ да лансираат конвенционална вакцина темелена на протеини против ковид-19, што во моментот масовно се тестира.
Одлуката за запирање на клиничкиот развој на мРНА вакцината на „Санофи“ е донесена и покрај позитивните резултати од првата и втората фаза од клиничките испитувања што денеска беа објавени, а со кои се потврди дека оваа вакцина стимулира силен имунолошки одговор.
„Санофи“ информира дека резултатите од клиничките истражувања се поттик за мРНА технологијата во иднина да се користи за да се направат вакцини против грип и други болести.