Published: Sunday, June 6, 2021 12:42
Фрегатата која била дел од ударната борбена група на носачи на авиони CSG, во Црногорското пристаниште ќе остане до деветти јуни. И додека дел од српските медиуми оценуваат дека НАТО го стега обрачот околу Србија, причината како што информираат медиумите во Црна Гора, пак, е во насока на натамошно јакнење на соработката меѓу оваа земја и Велика Британија.
За време на закотвувањето на бродот на пристаништето во Бар до среда, на него ќе се одржеле многу билатерални средби а ќе се прославел и роденденот на Британската кралица Елизабета втора. По тој повод, во Црна Гора ќе пристигнела и Британската државна министерка за одбрана Анабел Голди.
Во текот на наредните седум месеци, ударната борбена група на носачи на авиони CSG, чиј дел е и фрегатата ,,Ричмонд“ планира да посети 40 земји и да помине 26.илјади наутички милји.
Групата се состои од девет бродови, 32 авиони и 4.000 членови на посадата.