Фронтот за демократската Македонија (ФРОДЕМ) денеска ги повика САД и членките на ЕУ, наместо очекуваните санкции кон Република Македонија и нејзините граѓани, истите да ги изречат кон лицата и партиите кои не го почитуваат Договорот од Пржино, кои го суспендираа владеењето на правото и кои ја погазија општата граѓанска согласност за евроатланска интеграција на Македонија.
– Државите членки на ЕУ и САД како и сите добронамерни држави пријатели на Р. Македонија и македонските граѓани, на сите лица чии имиња се наоѓаат на ништовните одлуки, на нивните најблиски роднини, како и персоната Ѓ. Иванов, да им изречат забрана за влез во нивните држави како и да им ги блокираат фирмите и да им ги замрзнат банкарските сметки доколку ги имаат во нивните држави. Овие мерки да траат се до завршувањето на започнатите постапи и до докажување на нивната невиност, се вели во соопштението, кое според ФРОДЕМ е реакција по
вчерашното распишување на изборите при неисполнети елементарни услови согласно договорот од Пржино како и децидното одбивање на Иванов да ја повлече неговата ништовна одлука за стопирање на постапките против осомничениге лица и да не поднесе оставка.
– Исто така бараме од акредитираните амбасадори во Република Македонија истите овие личности да не ги покануваат на официјални приеми и средби и да ја суспендираат секоја идна комуникација со нив се до завршување на кривично-правните постапки, велат од ФРОДЕМ.
Во соопштението се нагласува дека ова барање се однесува и на членовите на Советот на јавни обвинители кои, спорд ФРОДЕМ, постојано ја опструираат работата на Специјалното јавно обвинителство како и на судиите на Уставниот суд кои сносат сериозна одговорност за своето непрофесионално работење и однесување и кршење на Уставот и законите на државата.