Трансферот на Филипе Кутињо од Ливерпул во Барселона во износ од околу 160 милиони евра придонесе за тоа да фудбалската репрезентација на Бразил ја надмине Шпанија како најскапиот национален тим во светот.
Најскапиот трансфер на еден фудбалер е преминот на Бразилецот Нејмар од Барселона во францускиот ПСЖ, кој изнесуваше околу 222 милиони евра.
Па така според проценките на фудбалскиот пазар, 11 првотимци на Бразил чинат околу 530 милиони евра, по што следат националните тимови на Шпанија (520 милиони евра) и Белгија (510 милиони евра).
Воедно вредноста на вкупниот тим на „Селесао“ изнесува неверојатни 790 милиони евра.
Просекот во репрезентацијата е 28 години. Но просекот на ТОП 5 играчи од Бразил е само 24 години што наговестува светла иднина за Бразил на светските натпреварувања.