Весли Снајдер повеќе не е дел од Галатасарај. Фудбалскиот гигант од Истанбул ја прекина соработката со холандскиот интернационалец, а во спогодбениот договор за разделба двете страни вметнаа и неверојатна клаузула според која играчот од средниот ред ќе плати 20 милиони евра на клубот доколку во наредните три сезони стане член на некој од ривалите во турската Суперлига.
Холанѓанецот пристигна во Галата во зимскиот преоден рок во 2013 година и заминува на една година до истек на рокот на важност. Како интересенти за услугите на Снајдер во изминатиот период се споменуваа Лос Анџелес и Сампдорија. Неизвесно е дали една од нив ќе биде и дефинитивна идна дестинација во неговата кариера, но извесно е дека Турција нема да биде токму поради споменатиот член во договорот за збогум во клубот од Босфор.
Снајдер е рекордер по бројот на настапи за „лалињата“, Неодамна против Луксембург, во квалификациите за СП 2018, го одигра 131 натпревар во националниот тим и го надмина легендарниот голман Едвин ван дер Сар.