Едно национално и едно локално дерби на стартот на новата, 26, сезона во фудбалскиот шампионат на Македонија. Ждрепката за натпреварувачките броеви за кроење на „возниот ред“ подари „црвено-црн“ судир веќе во воведното коло. Шкендија ќе против Вардар на „Еколог арена“ во Тетово, а Победа ќе биде домаќин на Пелистер во пелагониската пресметка.
Академија Пандев ќе дебитира во прволигашката конкуренција со гостување кај Шкупи, Работнички ќе игра со Ренова, а Силекс во првото коло го дочекува тимот на Скопје, повратник во домашната елита.
Почетокот на новата сезона е закажан на 13 август (17 ч.), есенскиот дел ќе финишира на 10 декември (13 ч.) со натпревари од 19. коло.
Прва лига – сезона 2017/18
Двојки за 1 коло (13 август, 17 ч.)
Шкендија – Вардар
Победа – Пелистер
Работнички – Ренова
Шкупи – Академија Пандев
Силекс – Скопје