Од коло во коло Вардар е се поблиску до титулата во фудбалскиот шампионат на Македонија. Тоа е случај и по денешното 28. во сезоната во кое лидерот впиша нова победа, но не и Шкендија. Скопските „црвено-црни“ триумфира против Шкупи со 2:0, тетовските ремизираа (1:1) кај Силекс, па предноста на врвот на табелата на осум рунди до крајот е 13 бода во корист на тимот на Гоце Седлоски.
Боарето во 20 минута и Барсегјан во 54. беа стрелци за вардарци на Чаир за вкупно 21 триумф во сезоната.
Двата во Кратово, пак, беа постигнати во две минути во второто полувреме. Филиповски погоди за Силекс во 46 минута, само тргнаа од центар Шкендија израмни преку Жуниор.
Пелистер ја совлада Победа во новата пелагониска пресметка со 1:0. Голот на Трифуновски во 78 минута беше решавачки за победникот. Најубедлива беше екипата на Ренова која со 4:0 ја испрати Брегалница за Штип. Мишковски во 16 минута, Велинов во 65. и на двапати Нафиу во 85. од пенал и во 90. реализираа за тимот од Џепчиште.
Вчера, во воведниот дуел од 28 коло Работнички и Македонија Ѓ.П. одигра без победник (1:1) на „Телеком арена“. Јонузи во 27 минута донесе радост за ѓорчепетровци, Елмас во 43. за дебармаалци.
Прва лига, 28 коло
Резултати
Шкупи – Вардар 0:2
Силекс – Шкендија 1:1
Пелистер – Победа 1:0
Ренова – Брегалница 4:0
Работнички – Македонија Ѓ.П. 1:1
Табела: Вардар 68, Шкендија 55, Работнички 47, Пелистер 40, Ренова 38, Силекс 36, Шкупи 29, Победа 23, Брегалница 19, Македонија Ѓ.П. 19.
Идно коло (26.04.2017 година): Шкендија – Вардар, Работнички – Шкупи, Брегалница – Пелистер, Победа – Силекс, Македонија Ѓ.П. – Ренова.