Вардар и Шкендија останаа на 11 бода разлика на врвот на табелата, Работнички му побегна на Пелистер на девет во битката за третото место, Ренова се израмни со Силекс на 35 на средината, Шкупи станува се побезбеден прволигаш, а Победа, Брегалница и Македонија Ѓ.П. остануваат најзагрозени на дното.
По еден гол им беше доволен на „црвено-црните“ екипи во домашното фудбалско првенство да додадат нови три бода на контото во мечевите од 27 коло. Дејан Блажевски го постигна за вардарци во 63 минута за триумфот над Силекс, во Кратово, со 1:0. Марјан Радески, пак, беше стрелец за Шкендија против Пелистер на гостувањето во Могила.
Еден гол ѝ заврши работа и на Ренова во мечот на домашен терен со Победа. Арѓент Гафури беше стрелец за „гипсарите“ во 24 минута за осма победа во шампионатот.
Најефикасни на Велигден беа фудбалерите на Работнички. На „Телеком арена“ ја совладаа Брегалница со 3:1 и го направија, можеби, решавакиот исчекор кон квалификациите за Лига Европа. Капитенот Душко Трајчевски го отвори резултатот во четвртата минута, дебармаалци зголемија на 2:0 со автоголот на Стефан Коцев во 16 минута, третиот беше дело на Суад Сахити во 53 минута. Почесниот за штипјани го реализира Лазар Илиев во 75 минута.
Голови немаше само во Ѓорче Петров во средбата меѓу Македонија и Шкупи.
Прва лига, 27 коло
Резултати
Силекс – Вардар 0:1
Пелистер – Шкендија 0:1
Работнички – Брегалница 3:1
Ренова – Победа 1:0
Македонија Ѓ.П. – Шкупи 0:0
Табела: Вардар 65, Шкендија 54, Работнички 46, Пелистер 37, Силекс 35, Ренова 35, Шкупи 29, Победа 23, Брегалница 19, Македонија Ѓ.П. 18.
Идно коло (23 април): Шкупи – Вардар, Силекс – Шкендија, Работнички – Македонија Ѓ.П., Пелистер – Победа, Ренова – Брегалница.