Published: Tuesday, January 28, 2020 17:13
Данскиот фудбалски репрезентативец Кристијан Ериксен (27) и официјално е нов член на Интер. Креативниот играч за врска се обврза на петгодишна верност кон „нероазурите“ во Милано се сели од екипата на Тотенхем. Иако неговата пазарна вредност се проценува на околу 90 милиони евра, сепак, Антонио Конте го доби за само 20 од причина што неговиот договор со спарси завршуваше на крајот на оваа сезона.
Почетоците на фудбалската кариера на Ериксен се врзани со клубот во родното место Миделфарт по што се калеше во младинските категории на Оденсе и на Ајакс. Првиот голем трансфер го реализира во 2013 година кога холандската престолнина ја замени со британскиот главен град. Во Тотенхем мина седум сезони во кои одигра 226 меча и постигна 51 гол.