Вардар има биланс од три победи и две нерешени средби во петте досегашни натпревари во сезоната, а голманот Филип Гачевски се надева дека вечерва ќе биде остварен четвртиот триумф во првенството.
„Играме дерби против Работнички што сметам дека повтоно ќе одлучуваат нијанси по минатите натпревари. Работнички е екипа за респект, загубија во минатото коло и сега сигурно ќе сакаат да се поправат. Меѓутоа нашата цел се трите бода и ќе дадеме максимум да ја исполниме. Атмосферата во екипата е одлична и сите сме подготвени за уште еден триумф“, најави Гачевски за клупскиот сајт на „црвено-црните“.
Градското дерби со кое ќе биде отворено шестото коло во Првата македонска фудбалска лига е со почеток во 19 часот на арената „Филип Втори“ во Скопје. Останатите четири меча се закажани за утре од 15.30 часот. Шампионот Шкендија ќе гостува кај Силекс, Академија Пандев кај Победа, Ренова ќе игра во Тетово против Беласица, а на Шкупи на Чаир ја дочекува Македонија Ѓорче Петров.
Тимот на Академија Пандев е лидер во шампионатот со 12 бода, еден повеќе од Шкендија и Вардар на второто, односно, третото место. Работнички е четврти со девет бода, со Победа има осум на петтата позиција. Долната половина на табелата ја предводи Силекс со пет бода, Ренова има четири, Македонија Ѓорче Петров има три, на дното се екипите на Шкупи и на Беласица кои досега освоија по два бода.
Прва лига, 6 коло
Вардар – Работнички („Филип Втори“, сабота, 19 ч.)
Силекс – Шкендија (градски стадион во Кратово, недела, 15.30 ч.)
Победа – Академија Пандев (стадион „Под Тумбе кафе“ во Битола, недела, 15.30 ч.)
Ренова – Беласива (градски стадион во Тетово, недела, 15.30 ч.)
Шкупи – Македонија Ѓорче Петров (стадион „Чаир“, недела, 15.30 ч.)