Рускиот енергетски гигант Газпром вели дека повторно драстично ќе го намали снабдувањето со гас за Европа преку својот главен гасовод а причината се поправки и одржување.
„Газпром“ рече дека запирањето на уште една турбина на гасоводот „Северен тек 1“ ќе го намали дневното производство на гас за 20 отсто, преполовувајќи го сегашното ниво на снабдување.
Германската влада реагираше дека нема техничка причина за ограничување на снабдувањето со гас.
Најновата одлука на Газпром ќе им отежне на европските земји да ги надополнат резервите со гас пред зимата.
Гасоводот Северен тек 1, кој транспортира гас од Русија во Германија, со недели работи многу под капацитетот, а беше и целосно исклучен поради 10-дневна пауза за одржување на почетокот на овој месец.
Минатата година 40 отсто од рускиот гас беше наменет за Европа. Сега ЕУ ја обвини Русија дека ги користи енергенсите како оружје.
Газпром соопшти дека најновото намалување на снабдувањето ќе започне во среда во 04:00 часот по Гринич поради „техничката состојба“ на една од последните две турбини кои работат. (Би-Би-Си)