Close Menu

Германија бара да купи тенкови од Швајцарија за да и помогне на Украина

0
By on ВЕСТИ, ВОЈНА ВО УКРАИНА, СВЕТ
фото: МИА
Published: Friday, March 3, 2023 12:26

Германија побара од Швајцарија да и продаде дел од своите тенкови „Леопард 2“, за да може да додели поголема воена помош за Украина, објави денеска швајцарскиот весник „Блик“.Како што пишува весникот, Германија бара Швајцарија да продаде дел од своите тенкови на производителот Rheinmetall, за да се пополнат празнините во вооружувањето на членките на ЕУ и НАТО.

Германија, Полска, Португалија, Финска и Шведска се меѓу земјите кои испраќаат „Леопарди“ во Украина, но со тоа го проретчиле својот воен арсенал.

Германскиот министер за одбрана Борис Писториус и министерот за економија Роберт Хабек ја информирале швајцарската министерка за одбрана Виола Амхерд за нивната намера во писмо од 23 февруари, пишува „Блик“. Тие бараат од Берн да се согласи со продажбата, со ветување дека швајцарските тенкови нема да завршат во Украина.

Законите за неутралност и ембаргото за оружје ја спречуваат Швајцарија да испраќа оружје директно во Украина, а ако се согласи со барањето на Германија, швајцарскиот Парламент ќе бара официјално да  прогласи дека тенковите се надвор од употреба, објаснува весникот.

Во претходните случаи, Берн ги отфрли барањата на Германија, Шпанија и Данска за извоз на претходно купена швајцарска муниција во Украина.

Извор: МИА

Share.