Новиот сој на коронавирусот Омикрон би можел да се покаже како Божиќен подарок под услов да предизвикува поблага клиничка слика , тврди германски епидемиолог. Неговата изјава доаѓа откако јужноафриканските лекари објавија дека се чинело оти овој сој предизвикува помалку тешки симптоми. Лекарите во јужна Африка тврдат дека Омикрон предизвикува поблаги симптоми , како главоболка и замор. Наведуваат и дека не довел до ниедна хоспитализација или смрт. 

Германски епидемиолог: Омикрон би можел да го забрза крајот на пандемијата

Професорот Карл Лаутербах , епидемиолог кој сака да стане иден министер за здравство во Германија, изјавил дека според првите достапни податоци Омикрон би можел да биде Божиќен подарок кој би можел да го забрза крајот на пандемијата.

Големиот број на мутации може да значи дека вирусот ја оптимизирал  својата заразност со што би можел да биде помалку смртоносен , изјавил Лаутербах. Ова би било во согласност со начинот на кој се развива мнозинството респираторни вируси, додал тој.

Професорот Паул Хантер . стручњак за заразни болести на Универзитетот Источна Англија, рекол дека оваа теорија би можела да се покаже како вистинита. Високото ниво на поранешните инфекции и вакцинацијата би можело да овозможат заштита од сојот. 

Тоа би бил позитивен знак бидејќи би покажало дека мутираната варијанта не е целосно непрепознатлива за имунолошкиот состав на луѓето кои или се вакцинирале или го преболеле ковидот.
Научниците и претходно предупредуваа дека е малку веројатно коронавирусот било кога да биде искоренет туку ќе премине во поблаг вирус сличен на настинка .