Новак Ѓоковиќ е пред губење на лидерската позиција на АТП листата. На чекор до неа е Енди Мареј за што српскиот тенисер вели дека нема да биде незаслужено ако се случи. Британецот попладнево игра со Милош Раониќ во полуфиналето на Мастерсот во Париз. Потребна му е победа да стане и прв светски рекет.
„Тој е играч што дефинитивно заслужува да биде број еден. Неверојатен е начинот на кој го подигна своето ниво во последните 12 месеци. Иклучително почитувам се што постигна. Одамна се познаваме. Мислам дека имав 11 годии кога за првпат игравме еден против друг“, рече Ѓоковиќ.
Србинот, вчера, беше елиминиран од Марин Чилиќ со 4:6, 6:7 во четвртфиналето во Париз што значеше дека титулатана турнирот ќе добие нов сопственик и отворен пат на Мареј кон првото место во светот. По мечот изјави дека мора да го прифати поразот и да извлече поуки.
Мари, пак, нагласи дека првото место на АТП листата не било негов приоритет за оваа година. Вели дека нема да биде под притисок доколку не ја искористи приликата сега бидејќи ќе има нов нова на почетокот на 2017 година.