Финалниот настап на Новак Ѓоковиќ во Рим беше под нивото на неговиот четвртфинален со Хуан Мартин дел Потро и особено на полуфиналниот против Доминик Тим. Како причина за тоа ја посочи разликата во временските услови како и квалитетната игра на Александар Зверев, победник на Мастерсот во Вечниот град.
„Тој веќе остава свој печат и заслужено триумфира на еден од најголемите турнири. Сервираше и играше извонредно и немаше проблеми со мене. Денеска бев лош и никако не можев да најдам ритам“, рече Ѓоковиќ по неуспешниот обид за освојување на 31. титула на Мастерс турнирите.
Зверев успеа да направи брејк уште во воведниот гем што беше доволен за освојување на првиор сет. На сличен начин го реши во своја корист и во вториот, а со тоа и финалето.
„Условите за игра беа многу поинакви од полуфиналето. Има многу ветар, топчето беше побрзи и доста повеќе отскокнуваше. Вчера немаше ветар и беше многу побавно. Не можев да најдам ритам и вистинска позиција на теренот. Направив и многу неизнудени грешки. Лошо почнав, на стартот загубив сервис што влева многу самодоверба кај добар сервер каков е Зверев. Мечот во старт не беше добар по мене“, додаде српскиот ас.
Ѓоковиќ на 28 мај го очекува нов голем предизвик. Покрај трагање по старата, препознатлива, игра и форма ќе почне со одбрана и на титулата на Ролан Гарос под водство на нов тренер. Во Париз ќе патува со Андре Агаси како централна фигура во новиот стручен штаб и во боксот на трибините за време на натпреварите.