Грција најави дека стартува со модернизација на својата воздухопловна воена флота составена од американски Ф-16 авиони. Оваа програма се одложува веќе 6 месеци поради презадолженоста на земјата. Грција е загрижена за својата безбедност поради се поголемата тензија со Турција.
Одлуката за модернизација беше донесена вчера на итен состанок на владата воден од премиерот Алексис Ципрас на кој приствуваа министрите за надворешни работи и одбрана.
«Советот едногласно одлучи примена на програмата за модернизација на 85 летала», соопшти кабинетот на премиерот. Одлуката се базира врз претходна согласност на САД на грчкото барање за ревизија на леталата. Барањето до САД подвлекува дека треба да се земат во предвид буџетските обврски на Грција во наредните години.
Министерот за одбрана Панос Каменост изјави дека леталата ќе бидат модернизирани на ниво на Ф-16 Viper но нема податоци за цената или роковите за испорака.
Грчката флота има 150 Ф-16 авиони. Програмата беше најавена во октомври 2017 година за време на посетата на Ципрас на Вашингтон. Но, веднаш потоа владата беше остро критикувана поради наведената цена која изнесува 2,4 милијарди долари за период од 10 години.
Атина потоа изјави дека ќе бара цената да падне на 1,3 милијарда долари за да може цената да влезе во рамките на буџетот од 2 отсто што Грција го троши за одбрана.
Грција е една од шесте земји членки на НАТО што издвојува 2 отсто од буџетот за одбрана, како што тоа го бараат обврските на Алијансата. Освен САД (3.58 отсто од буџетот за одбрана) и Грција, 2 отсто од буџетот за одбрана издвојуваат Велика Британија, Естонија, Романија и Полска.
Според Ципрас, некои од авионите датираат од крајот на 80те години и нема да можат да летаат ако не бидат модернизирани. Овие авиони често го надлетуваат Егејското Море. Грција ја обвинува Турција дека се повеќе го нарушува грчкиот воздушен и воден простор.