Претседателот на ВМРО-ДПМНЕ, Никола Груевски, денеска на средба ги повика коалиционите партнери од коалицијата За подобра Македонија.
На средбата, соопштија од ВМРО-ДПМНЕ, се разговарало за актуелната политичка ситуација, како и најновите случувања во македонскиот парламент, вклучително, како што велат и незаконскиот обид за избор на претседател на собранието.
„На средбата беше осуден нелегалниот, противуставен и незаконски обид за избор на претседател на собранието од страна на СДСМ. Исто така се осудуваат провокациите од страна на СДС и Зоран Заев кои со своето однесување го предизвикаа револтот на граѓаните.Прекршени се уставот, законите и деловникот, и за тоа мора да има одговорност“, пишува во соопштението по средбата.
Коалицијата За Подобра Македонија, додаваат оттаму, осудува насилство и истото не треба да биде начин на комуникација, потребно е смирување на страстите и носење на одлуки во согласност со Уставот и законите.