Лидерот на владејачката партија ВМРО-ДПМНЕ, Никола Груевски не отстапува од ставот на партијата изборите да се одржат на 5.јуни.
– Одиме на избори, нека победи подобриот мора да научиме од своите грешки од минатото и да ги исправиме. Државата е поделена по сите основи и тоа мора да запре, избори мора да има и ќе има, рече Груевски.
Одговарајќи на новинарско прашање со кого ќе се натпреварува доколку опозицијата ги бојкотира изборите, Груевски рече дека ќе се натпреварува со сите кои што ќе излезат на избори.
Тој посочи дека земјата две години бил неправедно задржана во заложништво и апелираше до лидерот на опозицијата Зоран Заев уште еднаш да размисли за одлуката за бојкот бидејќи според него, народот сакал избори и сакал крај на кризата.
Според лидерот на ВМРО-ДПМНЕ не е вистина дека медиумите не се регулирани, бидејќи постоеле строги правила за известување во текот на предизборната камња.
Тој тврди дека заплашување на избирачите нема и не смее да има, бидејќи за тоа псотојат и посебни оддели во Обвинителството и во МВР кои ќе работат само на такви случаи а во однос на обвинувањата на Заев дека државата не е одделена од партијата, Груевски посочи дека најдобар пример било поставувањето на генералниот секретар на СДСМ за министер за внатртешни работи и како е можно кога вчера се најавуваа оставките на министрите од СДСМ, Спасовски да смени 100 луѓе во МВР.