Лидерот на ВМРО-ДПМНЕ, Никола Груевски, одговорајќи на новинарско прашање што ќе преземе партијата ако СДСМ и Зоран Заев планираат насилен избор на претседател на Собранието изјави:
„Доколку СДСМ влезе во такво сценарио за кое се заговара деновиве на неправно, незаконско, недемократско, неделовничко однесување во Парламентот, треба да знае дека ВМРО-ДПМНЕ ќе реагира остро, а треба да очекува дека и народот во Македонија ќе има сериозна реакција според она што можеме да го видиме деновиве“. изјави денеска претседателот на ВМРО-ДПМНЕ,Никола Груевски.
Груевски вели дека народот бил свесен и знаел што се случува и какви обврски преземал лидерот на СДСМ, Зоран Заев, и како што вели, неговата банда од СДСМ криминалци и затоа соодветно реагирал на улиците.
„Го предупредувам да не си поигрува со демократијата во Република Македонија, да не си поигрува со народот бидејќи оваа држава не е негова, државата е на народот и тој не може зад грбот на народот да договара одредени сценарија, платформи од туѓи држави и тоа после избори и откако ги исполажа луѓето. Да не мисли дека тоа ќе помине туку така и дека народот ќе остане со скрстени раце. ВМРО-ДПМНЕ ќе одговори жестоко и ќе одговори соодветно“, рече Груевски.