Заев е донесен на власт да го реши името онака како што сака Грција, и се чека да завршат локалните избори за да започнат преговорите, изјави велерва во интервју за Сител лидерот на ВМРО ДПМНЕ Никола Груевски.

–  Целата операција за промена на владата е направена за решавање на името по терк на Грција. Тоа го знаат веќе сите, не само во Македонија, туку и во цела Европа Се чека само да завршат локалните избори и да започната конкретни преговори, рече Груевски, коментирајќи ја изјавата на премиерот Зоран Заев денеска по враќањето од Њујорк дека не е подготвен да преговара за идентитетските прашања.

Заев: Не сум подготвен да преговарам за идентитетските прашања

Во контекст на локалните избори, за што кампањата почнува утре, Груевски вели дека не очекува да бидат фер избори, дека се заплашуваат кандидатите на ВМРО ДПМНЕ и дека последните постапки покажале дека полицијатаа ќе биде ставена во партиска служба и за кампањата.