Претседателот на владејачката Демократска партија на социјалистите, Мило Ѓукановиќ вели Русија се меша во Западен Балкан без да понуди дополнителна перспектива, и дека државите на овој простор служат за пресметки.
– Би сакал макар да не заинтегираат да ја видиме нивната алтернатива за Западен Балкан. Мислам дека се работи само за подигрување со Западен Балкан…каде нашиот регион се користел како монета во историјата, изјави Ѓукановиќ.
Тој се уште стои на изјавите дека на денот на парламентарните избори на 16.октомври минатата година имало обид за пуч.
– Имаше обид преку крвопролевање и државен удар да се инсталира нова марионетска влада која би служела за интересите на Москва која сака да и прати порака на Европа и НАТО дека не можат да се шират на Балканот без нивна согласност, изјави Ѓукановиќ на собир на младината на партијата.
Тој им порачува на земјите од Балканот да не паднат под влијание на руската манипулација бидејќи како што вели, иднината на овој регион е во ЕУ и НАТО.