Демократската Унија за Интеграција (ДУИ) по 18 години се врати на темите што ги нарече затворени, а ВМРО-ДПМНЕ им кажува на Албанците дека Северна Македонија во нивно владеење ќе биде само моноетничка држава. Сега треба да процениме како е можно овие два поранешни партнера да бидат толку добро координирани само за да добијат политички поени, напиша на својот Фејсбук профил генералниот секретар на Движењето БЕСА, Аријанит Хоџа, изнесувајќи делови од гостувањето во емисијата „Клик“ на ТВ 21.
„Пред неколку недели реков и ќе повторам. Не 3.000 страници од програмата со која се фали ДУИ, нека дадат одговор за три проекти што ги ветуваа сите овие години и сè уште не се реализирани, а тоа се патот Скопје – Блаце, патот Тетово – Јажинце, патот на Арбер – Кичево – Дебар – Блато“, напиша Хоџа.
Според него, има илјадници проекти што ДУИ не ги реализира, но симболично ги набројал само овие три, бидејќи, како што напиша, гласањето за бројот 3 ќе ја испрати ДУИ во опозиција.
„Гласањето за коалицијата „Можеме“ е глас кој спречува враќање на режимот, моноетничка држава, изградба на споменици, стиропорни фасади и празна реторика што не носат ништо добро за државата и животот на нејзините граѓани“, напиша Хоџа на Фејсбук.