„Добивам информации за моја елиминација која ја нарачува власта но не придадов значење. Вечерва видов две лица со огнено оружје кои се обидоа да го направат тоа, а полиција немаше”, посочи лидерот на ВМРО-ДПМНЕ Христијан Мицкоски на вечерашната прес конференција.
„Ваквото сценарио го најави власта. Министерот за надворешни работи Бујар Османи најави дека ќе има меѓуетнички тензии ако не поминел предлогот кој содрши асимилација и бугаризација”, рече Мицкоски упатувајќи обвинувања за ситуацијата кон премиерот Ковачевски и министерот Спасовски.
„Немојте да се обидувате да кажувате дека луѓето кои го направија ова вечерва се припадници на една или друга политичка опција, тие имаат една страна, на криминалот“, рече Мицкоски.
Тој упати директна порака и до Македонците и Албанците.
“Оваа борба е заедничка за нашата иднина, каква што била низ вековите. бидејки нема да има колективна среќа ако македонскиот народ биде понижен”, рече тој.
За Македонците порача да останат мирни и достоинствени и да се борат за иднината.
„Нема да отстапам ниту да се повлечам, одиме до крај, продолжуваме утре во 19 часот пред Владата а јас заедно со вас ќе го предводам победничкиот марш до слободна Македонија. Нема чекор назад, одиме со гордо крената глава“, порача Мицкоски на вечерашната прес- конференција. (М.Т.)