Франција на светскиот фудбалски трон. „Триколорите“ во финалето на мундијалот во Русија ја совладаа Хрватска со 4:2 и по вторпат во историјата (првата титула ја освоија во 1998 година) се закитија со злато на планетарните турнири.
Голеадата на „Лужники“ во Москва ја отвори Марио Манџукиќ во 18. минута, за Французите во продолжение погодија уште Антоан Гризман во 38. минута од пенал, Пол Погба во 59. минута и Килијан Мбапе во 65. минута. Вториот гол за „коцкестите“ беше дело на Манџукиќ во 69. минута по несфатливата комоција на Уго Лори во сопствениот шеснаесетник.
https://www.youtube.com/watch?v=1E-vEHK0ffE
Во малото финале, Белгија ја совлада Англија со 2:0.
Домаќин на наредното Светско првенство е Катар. Турнирот во 2022 година ќе биде прв што ќе се игра во доцна есен (21 ноември – 18 декоември), но и последен со 32 селекции. Од 2026 година (САД, Канада и Мексико) мундијалите се прошируваат на 48 тима.