Хрватска е во еуфорија. Атмосферата што се прави во земјата е на лик на национален празник. Ја создаваат медиумите, причина е големиот триумф на Марин Чилиќ над Новак Ѓоковиќ со 6:4, 7:6 во четвртфиналето на Мастерсот во Париз. Тоа значи дека ништо повеќе не е во раце на српскиот тенисер за конечниот изглед на АТП листата на крајот на сезона. Сега се зависи од Енди Мареј и неговиот настап во Франција. Доколку успее да стигне до финале, ќе ја преземе и лидерската позиција, а по завршниот турнир во Лондон би можел да биде и светски рекет број еден за 2016 година.
Порталот „спортске новости“ излезе со наслов со големи букви „Бравооооо! Чудо се случи во Париз, Хрватска биди горда! Чилиќ во луд меч го урна Ѓоковиќ! Никој не може 15 пати едноподруго да го совлада Марин!“.
„Индекс“, пак, далеку поумерен со главниот наслов. „Сензација во Париз, Чилиќ го урна Ѓоковиќ“.
Победата на Чилиќ на Ѓоковиќ е сместена во централните вести на „Слободна Далмација“. „Величествениот Чилиќ го совлада Ѓоковиќ и се пласира во полуфинале во Париз“.