Published: Sunday, December 12, 2021 22:03
Димитар Ковачевски е нов претседател на СДСМ. На прес-конференција на Централната изборна комисија на владеачката партија пред малку беше соопштено дека се обработени 100 отсто податоци од 193 избирачки места на на денешните вонредни внатрепартиски избори, при што Ковачевски добил 37.649 гласа, за Јован Деспотовски гласале 3.319 членови на партија, додека Фросина Ременски добила 2.836 гласа.
Неважечки се 602 гласа.
Деспотовски и Ременски, од говорницата во партиското седиште, се заблагодарија на членовите кои денеска излегоа на гласачките места, му честитаа на Ковачевски на победата, му посакаа успех во работата и порачаа дека стојат на располагање за соработка во наредниот период.