Кон многубројните критики за најавата за формирање на Суперлига на водечките клубови на стариот континент се надоврза и Џани Инфантино, претседател на Светската фудбалска асоцијација (ФИФА). Неговата порака се однесува до сите без исклучок, па и до најголемите ѕвезди, и се однесува на забрана за настап на Светско првенство во случај да настапуваат во сопствено затворено натпреварување.

„Или сте внатре или сте надвор“, истакна Инфантино наведувајќи дека играчите што ќе заиграат во Суперлига ќе се соочат со исклучување и од Европските првенства и од националните шампионати.

Медиумите ширум Европа во текот на минатата недела го пренесоа германски „Шпигел“ кој објави дел од тајните документи до кои стигна мрежата „Фудбал Ликс“ во кои се открива план на најбогатите клубови за сопствена Суперлига во 2021 година како пандан на Лигата на шампиони на УЕФА.