ИСИС презеде одговорност за нападот во турскиот клуб Реина

Џихадистите на ИСИС тврдат дека стојат зад новогодишниот напад во ноќниот клуб Реина во Турција, во кој загинаа 39 луѓе. Како што јавува BBC, терористичката организација објавила соопштение во кое велат “војник – херој“ го извршил масакарот.

За време на прославата околу 600 луѓе се наоѓале во клубот кога напаѓачот влетал и почнал да пука насекаде. ИСИС и претходно беше обвинет дека стои зад нападите во Турција кои се случуваа изминатава година.

Претседателот Реџеп Таип Ердоган по нападот изрази сомневање дека токму ИСИС е виновен и рече дека терористите се обидуваат да создадат хаос, но Турција вели тој, ќе се избори со ова.