КОХА: Србите на северот на Косово ќе протестираат против Курти и германскиот амбасадор Роде

Таканаречениот кризен штаб на северот на Косово, формиран од локални Срби, ги покани граѓаните на протест што ќе се одржи во денес во Рудар, општина Звечан.

Претставниците на овој штаб најавија дека организацијата на овој протест е поврзана со неодамнешните изјави за барикадите на премиерот на Косово, Албин Курти, кои ги сметаат за закана, како и на германскиот амбасадор во Косово, Јоерн Роде.

Косовскиот премиер Албин Курти во интервју  за Гардијан пред неколку  денови изјави дека отстранувањето на барикадите на север не може да ги исклучи жртвите.

Дури и германскиот амбасадор во Приштина, Јорн Роде, говорејќи за најновата ситуација создадена на северот на Косово, рече дека барикадите треба да се отстранат до Божиќ, а барањето на Белград за враќање на српските сили на Косово е апсурдно и неприфатливо, јавува косовскиот медиум КОХА.

ЈАВА ЊУЗ: ЕУ – Западен Балкан во време на невреме

„Заедничкиот регионален пазар, договорен во рамките на Берлинскиот процес, не може да биде златното решение за државите од регионот, бидејќи Западен Балкан зависи од трговијата и странските директни инвестиции кои потекнуваат од ЕУ во многу поголема мера отколку од меѓу Веди трговија. Сепак, тоа треба да се смета како подготвителна платформа за членство во ЕУ. Искуството на земјите од Централна и Источна Европа ни покажува дека по влезот во ЕУ, размената меѓу нив во стоки и услуги се зголемила за околу 50%. Горе-долу истата логика важи и за нашиот регион, во случај материјализацијата на Заедничкиот регионален пазар да биде придружена со инвестиции во меѓусебното поврзување на инфраструктурата, енергијата и животната средина.“, пишува меѓу другото во анализата „ЕУ – Западен Балкан во време на невреме“   од Дитмир Бушати.

Почина проф. Аднан Агаи, еден од најголемите просветители на образованието на албански јазик во земјава

Во вторникот вечерта почина еден од најзначајните  просветители на образованието на албански јазик  во земјава, проф. Аднан Агаи.

Проф. Аднан Агаи е познат како еден од најдостојните претставници на образованието на албански јазик од повоениот период до неговото пензионирање, уживајќи почит како воспитувач и еманципатор на генерации, давајќи им не само знаење и љубов кон предметот што предавал, мајчиниот јазик, но и кон националните и универзалните човечки вредности. Својот придонес во областа на образованието го збогатил и како автор на учебници и големи речници албанско-македонски и македонско-албански, во коавторство со неговата сопруга, проф. Кимете Агаи: „Читачка книга за к. V“ (1971, препечатено пет пати), „Речник на сопствените имиња“, Албанско-македонски речник (1996), македонско-албански речник (1999), „Лексикон на странски имиња и фрази“ па дури и соработник во сценариото за ТВ филм, „Игра на буквите“. Агаи е добитник на признанието  за особен придонес во афирмацијата на образованието на албански јазик во Република Македонија (2006 година), наградата на 13 ноември (2016 година), а во 2018 година за март 7 – Денот на албанското образование.

Д. Тахири

Извор Цивил медиа