Поранешниот потпретседател на САД, Џо Бајден победи на изборите во Јужна Каролина што се оддржаа вчера, пред т.н. „супер вторник“ во кој Американците во повеќе сојузни држави треба да одлучат за претседателскиот кандидат на Демократите на изборите во декември.
Според резултатите, тој во Јужна Каролина освои речиси 49 отсто од гласовите. На второ место е сенаторот од Вермонт, Берни Сандерс, со речиси 20 отсто пред милијардерот Том Стејер, со 11.4 отсто добиени гласови
Со победата во Јужна Каролина, Бајден се врати во изборната трка по слабите резултати во Ајова, во Њу Хемпшир и во Невада. Стејер, поранешен раководител на инвестициски фонд, пак, незадоволен од резултатот во Јужна Каролина, каде потроши речиси 30 милини долари за реклами за своја промоција, одлучи да излезе од трката.
Сега, внимението е свртено кон супер вторикот кога се гласа во 14 сојузни држави кои генерираат една третина од 1.991 делегат, колку е потребно за номинацијата. Од оваа група, како поголеми држави се издвојуваат Северна Каролина, Вирџинија, Тексас и Калифорнија.
Калифорнија ќе биде централен сојузен мегдан во битката. Избори во оваа сојузна држава, која генерира 415 делегати, или 20 отсто од потребните за утврдување на номинацијата, беа преместени од јуни за 3 март.
Калифорнија и Тексас ќе бидат државите за докажување на поранешниот градоначалник на Њујорк, Мајк Блумберг и сенаторот од Вермонт, Берни Сандерс, сметаат аналитичарите.
Според најнова анкета на „Си-Ен-Ен“ во овие две држави најпопуларен кандидат е Сандерс.
Бајден пак, се надева на победа во Северна Каролина, Вирџиинија, Алабама и Тенеси, каде тој е познат, и посебно ценет кај афроамериканското население, кое во овие држави сочинува значаен дел од гласачкото тело.