Рано утринава израелски воени авиони бомбардираа шатор за новинари во близина на болницата во Кан Јунис.
Според палестински лекари, девет лица се ранети, најмалку двајца се загинати.
Синдикатот на палестинските новинари го осуди израелскиот напад во близина на болницата Насер во кој жив изгоре еден новинар, а девет беа повредени.
Израел изврши „ужасен и грозоморен масакр врз новинарите кои беа засолнети во шатор во дворот на болницата Насер во Кан Јунис“, се вели во соопштението.
Новинарот Хелми ал Факави од телевизијата „Палестина Тудеј“ беше убиен кога остана заробен во шаторот што се запали.
Синдикатот повика Меѓународниот кривичен суд брзо да покрене постапка и Советот за безбедност на ОН да преземе брза акција.
Бројот на медиумски персонал убиени во израелските напади врз Газа од октомври 2023 година се искачи на 210 по убиството на новинарот Хелми ал Факави, соопшти владината канцеларија за медиуми.
Тоа значи дека повеќе новинари се убиени во Газа отколку во двете светски војни, Виетнамската војна, војните во Југославија и американската војна во Авганистан заедно, пишува AlJazeera.