Јужна Кореја денеска соопшти дека разгледува можност за користење на електронски ракавици со цел следење на што повеќе луѓе кои се наоѓаат во самоизолација како мерка за спречување на ширењето на ковид-19 вирусот.
„Тоа е една од мерките за кои расправаме во потрага за практично и ефикасно решение за следење на лицата во карантин“, изјави Јун Тен Хо од јужнокорејското Министерство за здравство.
Бројот на лица во самоизолација во земјата нагло порасна во минатата недела по одлуката на властите за воведување на двонеделен карантин за сите патници од странство. Според полициски извештаи, во самоизолација во Јужна Кореја се наоѓаат 46.500 лица од кои 38.400 неодамна пристигнале од странство. Се очекува вкупната бројка на луѓе во карантин во земјата да достигне 90.000.
Јужна Кореја поведе постапки против 70 лица поради сомнение дека го напуштиле карантин. Во земјата досега се регистрирани 10.331 случај на коронавирус кој однесе 192 човечки живота. Властите ги затворија сите образовни институции, но сè уште немаат воведено мерки за ограничување на движењето, додека премиерот Чунг Сје Кјун апелира до граѓаните да одржуваат социјална дистанца.