Published: Saturday, March 2, 2019 18:10
Швајцарскиот тенисер Роџер Федерер ја слави 100. АТП турнирска победа во кариерата. Јубилејот го дофати во Дубаи по победата во финалето над Гркот Стефанос Циципас со 6:4, 6:4.
До осмата титула на турнирот стигна по еден час и девет минути игра. Престижниот тениски настан во Обединетите Арапски Емирати се играше за награден фонд од 2,7 милиони долари.
Федерер е втор на вечната листа по бројот на освоени титули зад легендарниот Американец Џими Конорс кој има 109.