Јужнокорејскиот претседател Јун Сук-Јол денеска првпат пристигна во Украина на разговори со украинскиот лидер Володимир Зеленски, објави новинската агенција Ројтерс, повикувајќи се на канцеларијата на јужнокорејскиот претседател.
Јун Сук-јол пристигна во Украина откако присуствуваше на самитот на НАТО во Литванија и ја посети Полска оваа недела, каде што изрази солидарност со Украина и ги истражи начините за поддршка во борбата против руската инвазија.
Јун го посети местото на масовни убиства во Буча во близина на главниот град Кијив, пред да го посети Ирпин, станбена област врз која се извршени големи ракетни напади. Се очекува потоа да оствари средба со Зеленски, соопшти неговиот кабинет.
Како сојузник на САД и сè поактивен извозник на оружје, Јужна Кореја повторно е под притисок да обезбеди оружје за Украина. Досега, јужнокорејската Влада се спротивстави на овој притисок, фокусирајќи се на хуманитарна и финансиска помош, бидејќи се плаши од руското влијание врз Северна Кореја.
Јун истакна дека оваа недела неговата администрација се подготвува да испрати опрема за деминирање и амбулантни возила, по барање од Украина, и дека ќе се приклучи на фондот на НАТО за Украина.
Иако посетата на Јун не беше сосема неочекувана, таа е „многу значајна“ со оглед на тоа што неколку други азиски лидери ја посетија Украина. Дали посетата на Јун сигнализира промена во политиката кон обезбедување поголема поддршка за Украина останува да се види, но патувањето сугерира печат на одобрување од Кијив за помошта што Сеул ја испрати досега, рече Рамон Пачеко Пардо, корејски шеф во Бриселската школа за управување.
Зеленски побара од јужнокорејскиот претседател да ја зголеми воената поддршка кога првпат се сретнаа во мај.
Ние ја гледаме руската инвазија врз Украина како предизвик за слободата на меѓународната заедница, човековите права и владеењето на правото, нагласи Јун по средбата со полскиот претседател Анджеј Дуда во четвртокот, додавајќи дека Јужна Кореја може да биде добар партнер во обновата на Украина.
Јужнокорејското Министерство за земјиште, инфраструктура и транспорт вчера соопшти дека планира да ја поддржи реконструкцијата на инфраструктурата на Украина, како што се транспортот, енергијата и индустријата.
Јужнокорејските компании и компании од Украина и други земји вчера потпишаа договори за соработка во обновата на Украина, се наведува во соопштението на Министерството.
Г. Т.