НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Како мртвите птици се претворија во Сухои

0
By Нова ТВ on May 31, 2020 ВЕСТИ
СПОДЕЛИ
Facebook Twitter LinkedIn Email

Секогаш кога Северна Македонија е пофалена, се случува нешто што очигледно има за цел да го дефокусира јавното внимание од нејзиното историско полноправно членство во НАТО. Откако дезинформативниот наратив од 27 март (денот кога Република Северна Македонија стана полноправна членка на НАТО) кој се состоеше од лаги дека птиците во Северна Македонија умираат од 5Г беше разобличен, наместо тоа гледаме објава на Твитер од Руската амбасада во Скопје со нова дезинформација на денот кога американски авиони летаа над Скопје за да го поздрават членството на Северна Македонија во НАТО. Само случајност…?, се поставува како прашање во текстот на Ф2Н2.

На 29 мај 2020, Руската државна агенција ТАСС, цитирајќи висок функционер во руското Министерство за одбрана, објави статија насловена како „“. Во текстот е наведено дека „борбени авиони СУ-27П и СУ-30СМ од авијатичките единици за брза реакција на Јужниот воен реон биле рапидно мобилизирани за да ги пресретнат бомбардерите“ над неутралните води на Црното Море, кои наводно се движеле кон руската граница.  Видео како руски авион пресретнува бомбардер Б-1Б, објавено од руското Министерство за одбрана, беше искористено за да се промовира настанот. Оваа вест беше преземена од Russia Today, и беше објавена на Твитер како информација од страна на Руската амбасада во Скопје.

Актерите на Кремљ и дезинформациите

На 29 мај, руската новинска агенција Russia Today објави статија со „видеото“ од пресретнувањето, тврдејќи дека „авионите ги пресретнале американските бомбардери на ‘безбедна далечина’, што резултирало со промена на курсот на бомбардерите“. Истиот ден, руската државна агенција ТАСС објави статија во која ги објаснува „деталите“ за пресретнувањето што се случило за време на мисијата Бомбардерски специјални сили, која била спроведена од американски и сојузнички сили. ТАСС се повикува на анонимен висок функционер во руското Министерство за одбрана како извор на информацијата. Кратко време потоа, Руската амбасада во Скопје објави на својот официјален профил на Твитер за настанот.

Само неколку минути по објавата на Твитер, насловот на „бомбастичната“ статија зборува за наводната реакција на рускиот претседател Владимир Путин на тоа дека „авиони на НАТО летаат над нашата земја“, бидејќи тие наводно „се обиделе да се доближат до руска територија“. Оваа статија е една од ретките без текст, и содржи скриншот (17:41) од објавата на Твитер на Руската амбасада во Северна Македонија. Веб-страницата mkdpress.site е анонимна веб-страница регистрирана која нема МК домен, и која редовно објавува дезинформации и го глорифицира Путин.

Во врска со мисијата со долг дострел на бомбардерите Б-1Б

Според соопштението за јавност на Авијацијата на САД, на 29 мај 2020, „два бомбардери Б-1 Лансер, од авијатичката база Елсворт во Јужна Дакота, биле на стратешка мисија во Европа и регионот на Црното Море“. Генералот Јеф Хариган, командант  на Авијацијата на САД во Европа и Африка, истакнал дека „интегрираното присуство на нашите стратешки бомбардери низ Европа е доказ дека САД, заедно со останатите сојузници или партнери, се подготвени за одговор, и, доколку е потребно, можат заеднички да ги употребат овие капацитети“. Според генералот Тод Д. Волтерс, командант на Европската команда на САД, мисиите на бомбардерите „им демонстрираат на нашите сојузници во НАТО, вклучувајќи ја и најновата членка – Северна Македонија – дека овие стратешки мисии ја подобруваат готовноста и обуката кои се потребни за да се одговори на каква било потенцијална криза или предизвик во светот.“

Ова претставува прв случај мисија на бомбардери да се интегрира со украински авиони СУ-27 и МиГ-29, и турски КЦ-135. Летот исто така вклучувал интеграција и обука за интероперабилност со полски авиони Ф-16 и МиГ-29, како и со романски авиони Ф-16 и МиГ-21, кои биле придружба и патролирале во регионот на Црното Море. Дополнително, бомбардерите Б-1Б се интегрирале со грчки авиони Ф-16 во прелет над Скопје, Северна Македонија.

За дезинформацијата

Како што може да се види од фотографиите, за време на целото траење на мисијата за обука на Бомбардерските специјални сили Европа, како и за време на прелетот над Скопје, бомбардерите Б-1Б биле придружувани од сојузнички борбени авиони. Исто така, како што се забележува на фотографиите, бомбардерите биле во пар за време на целиот лет.

На видеото објавено од руското Министерство за одбрана може да се види само еден бомбардер Б-1Б, како е пресретнат од два руски борбени авиони од типот „Сухои“.

Статијата на ТАСС е неконзистентна. Во текстот има неколку очигледни заклучоци, како на пример дека американските бомбардери летале над меѓународни води, на значајна дистанца од руската граница, во мисија која била транспарентно објавена. Оттаму, речникот кој се користи, како на пример „идентификување на метите“, „пресретнување“, „неоткриени од радар“ ја прави оваа статија манипулативна, бидејќи ги извртува фактите и ја наведува јавноста на погрешен заклучок. Ако читателот не се информира за настанот од кредибилен извор, тој може да добие впечаток дека се случил сериозен инцидент во воздушниот простор над Црното Море. Со цел да се зајакне овој дезинформативен наратив за „руската воена супериорност“, руското Министерство за одбрана објавило видео, кое очигледно се однесува на друг минат настан, бидејќи во него ги нема дел од авионите кои беа дел од вежбата.

Провокацијата

Амбасадата на Руската Федерација во Скопје го искористи овој настан за да го испровоцира Министерството за одбрана на Република Северна Македонија, на тој начин што настанот го претставува како инцидент. Во објавата на Твитер, помеѓу другите, беше обележано и Министерството за одбрана. Оваа провокација се случи на денот кога сојузниците на НАТО го поздравија членството на Северна Македонија во НАТО.

Русија е добро позната по провокациите кон суверени држави и нарушувањата на нивниот воздушен простор. На пример, во март 2020, руски бомбардери беа пресретнати од Кралската авијација на Велика Британија во воздушниот простор на Ирска, поради тоа што го нарушувале меѓународниот воздушен простор контролиран од Авијацијата на Ирска. Според НАТО, само во 2019, скоро 300 пати руски авиони биле пресретнати во европскиот воздушен простор.

Имајќи ја предвид улогата на Русија во периодот пред референдумот, како и изјавите на руски функционери и руски дипломати во Северна Македонија и во регионот, се чини дека членството на Северна Македонија во НАТО е нешто кое ја загрижува и ќе ја загрижува Русија во иднина. Покрај членството во НАТО, има уште две нешта поврзани со оваа мисија кои ја предизвикаа реакцијата на Русија. Првиот прелет на регионот во историјата, во кој украински борбени авиони ги придружуваа бомбардерите, како и фактот дека и покрај заладувањето на односите помеѓу Вашингтон и Анкара, турската авијација учествуваше во полнењето гориво во авионите. Откако е воспоставена оваа вежба, таа го покажува силното единство на членките на НАТО и силната врска со земјите кои не се членки на НАТО во Европа и светот.

Секогаш кога Северна Македонија е пофалена, се случува нешто што очигледно има за цел да го дефокусира јавното внимание од нејзиното историско полноправно членство во НАТО. Откако дезинформативниот наратив од 27 март (денот кога Република Северна Македонија стана полноправна членка на НАТО) кој се состоеше од лаги дека птиците во Северна Македонија умираат од 5Г беше разобличен, наместо тоа гледаме објава на Твитер од Руската амбасада во Скопје со нова дезинформација на денот кога американски авиони летаа над Скопје за да го поздрават членството на Северна Македонија во НАТО. Само случајност…?

Од погоре кажаното може да се заклучи дека немало никакви прекршувања на каков било протокол или на меѓународни норми, освен обидот на Кремљ и руските државни медиуми да го злоупотребат и да манипулираат со овој настан.

Извор: Ф2Н2

авиони Македонија НАТО Објава Прелет Руска Амбасада Твитер
Share. Facebook Twitter LinkedIn Email
ТИКЕР

Постапките на Трамп убиваат, а љубовта спасува животи“, кажаа на Парадата на гордоста во Амстердам

August 3, 2025

Потврдена е првостепената пресуда против претседателот на Република Српска

August 1, 2025

Германија ќе испорача два системи „Патриот“ на Украина како дел од договорот со САД

August 1, 2025

Протест во Шабац против рудникот за литиум

August 1, 2025

Екс премиерот на Хрватска Санадер пуштен на условна слобода

July 31, 2025
ФОКУС

Милановиќ ѝ забрани на хрватската армија да соработува со Израел

ВЕСТИ August 3, 2025

Претседателот на Хрватска Зоран Милановиќ ја повика хрватската влада да ја прекине трговијата со оружје…

Честитки од државниот за Илинден

August 2, 2025

Одбележување на Илинден во Крушево, Пелинце и Скопје

August 2, 2025

Кијив: Ден на жалост по смртоносниот напад во кој загинаа најмалку 28 лица

August 1, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.