Каталонските пожарникари излегоа на терен и со жив штит ги бранат граѓаните од полицијата при денешниот тензичен ден во регионот кој гласа за целосна независност од Шпанија и формирање на сопствена република, објави Индепендент повикувајќи се на реакции од социјалните мрежи.
Ваквата подготвеност на пожарникарие, граѓаните ја препознаваат и се заблагодаруваат преку социјалните мрежи откако од утрото до пладне, националната гарда по директива на Мадрид на секој начин се обидува да го стопира гласањето.
Шпанската влада и шпанскиот Уставен суд однапред го прогласија референдумот за неуставен, а полиција зазеде неколку гласачки места по што употреби и гумени куршуми против граѓаните од што 38 луѓе завршија повредени.
Според портпаролот на каталонските власти и нивните компјутерски системи постојано биле под сајбер напади.
Гласачкото ливче на кое Каталонците денеска се изјаснуваат а на кое се одговара со да и со не, гласи „Дали сакате Каталонија да биде независна држава и да формира република?“.