Премиерот Зоран Заев денеска на прес конференција соопшти дека е донесена одлука за едностран раскин на договорот за изградба на рудник во Казандол и најавид ека одлуката стапува на сила следниот ден откако же биде објавена во Службен весник.
раскинувањето на договорот според Заев е во согласност со Законот за концесија и јавно приватно партнерство, а причината е што концесионерот Друштвото за експлоатација преработка и производство „Сардич МЦ“ ДОЕЛ увоз – извоз Скопје не ја исполнил обврската од Договорот, во рок од две години од денот на доделувањето на концесијата за експлоатација не изградил постројка за експлоатација на катоден бакар со капцитет да процесира најмалку 50 проценти од екслоатирана руда.
Заев истакна дека предвидениот рок е суштинска состојка на договорот, бидејќи е даден како услов во јавниот повик и тендерската постапка и претставува сериозно прекршување.
Во врска со најавите на концесионерот дека же поведе постапка пред Меѓународната арбитража за решавање на инвестициски спорови во Вашингтон и ќе бара оштета од 380 милиони евра од државата Заев рече ова е услов кој бил посебен и наведен во огласот на конкурсот за самата концесија.
-Ако не постоел тој услов можеле да се јават и други концесионери. Ваквите посебни услови се прекшување на договорот. Ако Македонија не го раскине договорот може да биде тужена од некој потенијален концесионер. Тоа што сака да го направи компанијата е нејзино право и ние сето тоа го разгледавме.
-Здравјето на граѓаните е пред секој приватен интерес. Оваа порака што денеска ја испраќаме до граѓаните на Валандово, Богданци, Дојран, Гевгелија и до сите граѓаните на Македонија, рече Заев.
Протести и референдуми
Жителите на повеќе градови во југоистокот со месеци протестираа и предупредуваа на опасноста од отворањето на овие како што ги нарекуваат „рудници на смртта“. Се одржаа и референдуми во гевгелија, Богданци, Валандово, Дојран…, а премиерот Заев, и за време на изборната кампања, но и потоа изјавуваше дека „Македонија не сака да биде земја без рудници, но дека здравјето на граѓаните е на прво место“.
Оттогаш, активистите, повеќепати објавуваа фотографии на социјалните мрежи на кои, како што тврдеа, се гледа дека забрзано се работи на изградба на рудникот Казандол и бараа од Владата да го запре тоа, предупредувајќи дека се загадува почвата.
Државниот инспекторат за животна средина (ДИЖС) тогаш соопшти дека на 3 октомври извршил вонреден надзор во рударскиот комплекс Казандол во Валандово, но притоа не е регистрирано надминување на загадувањето според она што го пропишува законот, освен во почвата, но за тоа, како што велат од Инспекторатот, се уште не постојат закон и правилници.
Министерот за економија пак, одговарајќи на новинарски прашања за концесијата на Казандол повеќепати говореше дека таа е завршена, но одбиваше да го објави договорот во јавност.
Концесионер на рудникот за бакар и бакарни производи во Казандол е компанијата Сардич МЦ. Основач на „Сардич МЦ“ е акционерското друштво „Коппер Инвестмент“. За оваа инвестиција Груевски зборува уште на почетокот на 2013 година. Инвестицијата прво ја нарекуваше „англиска“, продолжи со „англиско-украинска“ за конечно да стаса до само „украинска“. Во реалноста – со удели на македонските големостопанственици и политичари од двете држави. Дозволата за експлоатација на минерални суровини беше доделена на 20 јули 2015 година
Шест нешта за рудникот во Казандол за кои сите мора да знаеме