Најмалку 28 лица се убиени во вчерашните руски напади во Киев, според ново ажурирање од службите за итни случаи на украинската престолнина, кои утрово извлекоа нови тела од урнатините.
Исто така, има 159 повредени во нападот, додека во украинската престолнина е прогласена состојба на жалост.
Претходно, украинското Министерство за внатрешни работи објави 26 смртни случаи, вклучувајќи три деца, по масовните напади со ракети и беспилотни летала што ги изврши Русија во раните утрински часови во четвртокот.
Вчерашното бомбардирање е едно од најсмртоносните во украинската престолнина од почетокот на војната во февруари 2022 година. Украинските власти денес прогласија ден на жалост во украинската престолнина.
Утрово, спасувачите сè уште бараа тела во урнатините на уништените станбени згради.
63-годишен маж е убиен кога граната погоди куќа во селото Весељанка во Запорошката област, изјави началникот на регионалната воена команда, Иван Федоров, на Телеграм. Во истиот регион, четири лица беа ранети од руските напади. Една жена е убиена и во Херсон, според Тимур Ткаченко, началник на воената команда во Кијив.