Западот, по конфликтот во Украина, ќе создава криза по криза низ светот, бидејќи му се потребни нови непријатели, пишува кинески Глобал тајмс.
„Соединетите Американски Држави сакаат да ја спроведуваат стратегијата „демократии против автократии“ наместо да се ангажираат во домашните реформи и прилагодување на промените во светскиот поредок“, се наведува во анализата.
Според кинескиот весник, Западот, на чело со САД, никогаш нема да може да прифати постоење на нешто „што не личи на него“. Затоа го создал „непријателскиот имиџ“ на СССР, а потоа и на Русија, водејќи ја политиката на ширење на НАТО.
Вашингтон, како што се оценува, немал никаков ќар од реформата на руското раководство по распадот на Советскиот Сојуз, кои значително го кренаа имиџот на земјата на светската сцена. Поради тоа единството на Северноатлантската алијанса почна нагло да слабее, а глобалното влијание на воениот блок значително опадна.
Во анализата се оценува дека, сфаќајќи ја постојаната потреба за „измислени непријатели“, Западот заклучил дека Русија, со своето повеќенационално единство, огромната територија и православната вера, не може на никој начин да биде асимилирана. Тоа значи дека била погодна за улогата на непријател, кој на Западот почнал да му недостига.
Во анализата се истакнува дека зад тоа се крие длабоката криза на западната цивилизација.
„Цивилизација на која ѝ се потребни надворешни непријатели за да го одржи своето постоење на крајот ќе пропадне. Соединетите Американски Држави, кои секогаш сакаат да војуваат, неизбежно ќе пропаднат како држава. Оваа идеја е совршено потврдена со актуелната криза во Украина“, се наведува во написот.