Бројот на починати лица од корона-вирус во Кина се искачи на 56, откако властите во провинцијата Хубеј известија за 15 нови смртни случаи и 323 нови заразени лица.
Според американските медиуми, кои се повикуваат на научна анализа, секој заразен со новиот вирус ја пренесува болеста во просек на две до три лица. Експертите, пак, се надеваат дека преземените мерки за контрола и превенција ќе го спречат ширењето на заразата за најмалку 60 проценти.
Од денеска, северниот кинески град Тианџин го запира меѓуградскиот автобуски превоз во функција на спречување на ширење на корона-вирусот.
Во тој контекст и одлуката на властите во Хонг Конг за затворање на популарните забавни паркови „Дизниленд“ и „Оушн Парк“.
Потврден прв случај на новиот коронавирус во Канада
Додека Кина ги бележи жртвите, првиот случај на корона-вирус е потврден во Канада, соопшти Владата на земјата.
Заразата е забележана кај лице кое неодамна се вратило од Вухан, градот во Кина од каде почна да се шири болеста. Пациентот, според владиното соопштение, е хоспитализирано и неговата состојба е стабилна.