Беше желба на Челзи и на Манчестер јунајтед, се вклопуваше во замислите на Антонио Конте и на Жозе Мурињо, во трката за негов потпис се вклучи и Интер, но лојалноста како принцип натежна во носење на конечната одлука да остане каде што е. Раџа Најнголан го продолжи договорот со Рома за нови четири сезони и, според новиот, ќе продолжи во Рома до 2021 година.
„Она што го сакав од секогаш го имам овде. Мислам дека со ваквата моја одлука го докажав тоа. Многу сум среќен, особено сега што ќе продолжи авантурата со клубот и заедно ќе одиме напред“, стои во изјавата на белгискиот репрезентативец за официјалната интернет страница на „волчицата“.
Најнголан е во Рома од јануари во 2014 година. На „Олимпико“ тогаш пристигна како позамјен играч од Калјари и веќе во летниот период потпиша договор со римјаните. Во изминатиот период настапи во 161 натпревар за „волчицата“ и постигна вкупно 27 гола. Само во минатата сезона прослави 14 погодоци во сите натпреварувања од кои 11 во рамки на Серија А.