Фенербахче на Перо Антиќ и ЦСКА Москва се првите учесници на заврниот турнир во кошаркарската Евролига. По двете победи во Атина, тимот од Истанбул славеше и на домашен терен со 79:61 и за конечни 3:0 во четвртфиналната серија.
Дури шест соиграчи на Антиќ го завршија мечот со двоцифрен број кошеви. По 10 уфрлија Удох, Богдановиќ, Калиниќ и Датоме, 12 постигна Нанали, со 13 заврши Диксон.
Македонскиот интернационалец одигра пет ипол минути во кои имаше еден непрезицен обид за два поена и два за тројка и во личната статистика впиша само еден дефанзивен скок. Најефикасен за средбата беше гостинскиот играч Кеј Си Риверс со 16 коша.
Московјани, пак, ја совладаа Басконија и во третиот меч, прв во серијата во Шпанија, со 90:88 (22:24, 21:20, 29:26, 18:18) и стигнаа на 3:0 во меѓусебните дуели. Хигинс со 21 поен ја предводеше листата на стрелци во натпреварот во Виторија, Шенгелија со 19 коша беше прво име во домашната екипа.
Евролига
Четврт-финале
Фенербахче – Панатинаикос 79:61 (резултатот во серијата е 3:0)
Басконија – ЦСКА Москва 88:90 (0:3)
Среда
Анадолу Ефес – Олимпијакос (1:1)
Дарушафака – Реал Мадрид (1:1)