Трофејот во Еврокупот во витрините на Уникаха. Тимот од Малага ја совлада Валенсија со 63:58 за 2:1 во финалната серија во натпреварувањето и во наредната сезона ќе биде дел од елитната Евролига.
Освојувачот на Еврокупот беше решен во последната четвртина. Валенсија имаше плус 13 (56:43) по што следуваше несфатлив пад во играта на нејзините кошаркари што резултира со дебакл на крајот.
Домашните не успеаја да реализираат шест напад при водство со осум поени разлика, промашија девет тројки едноподруго, постигнаа само четири коша за десет минути, а сето тоа го искористија гостите кои со серија од 18:0 направија целосен пресврт, поведоа и го задржаа водството во пенал завршница.
Најефикасен кај Уникаха беше Алберто Диаз со 12 поена, Дубљевиќ со 16 на спротивната страна беше прв стрелец во мајсторката во Еврокупот, но остана без соодветна поддршка од соиграчите.