Банвит (Турција), Монако (Франција), Венеција (Италија) и Тенерифе (Шпанија) се пласираа на Фајналфор во кошаркарската Лига на шампиони на ФИБА. Завршниот турнир е закажан од 28 до 30 април на мегдан на една од четирите екипи што ќе биде дополнително одреден.
Највозбудливо во реванш четвртфиналето беше во Германија каде Банвит, во последната секунда, успеа да анулира минус од пет коша од првата средба со Лудвигсбург и да триумфира со 59:53 за продолжување на походот кон победничкиот пехар.
Монако немаше проблеми во реваншот со Динамо Сасари. По победата со 11 поени разлика на домашен терен, францускиот претставник победи и на гостувањето во Италија со 79:76.
Тенерифе ја искористи предноста на домашниот терен за убедливи 61:51 против Асвел Вилербан и севкупна победа во двомечот по ремито (62:62) во Франција.
Венеција, пак, го елиминира тимот на Пинар Каршијака. Италијанскиот сoстав беше подобар во реваншот со 74:66. Првиот меч му припадна на турскиот со 74:71.
Лига на шампиони на ФИБА
Резултати, четвртфинале
Лудвигсбург – Банвит 53:59 (прв меч 92:87)
Динамо Сасари – Монако 76:79 (62:73)
Тенерифе – АСВЕЛ 61:51 (62:62)
Венеција – Пинар Каршијака 74:66 (71:74)