Според официјални податоци на косовското Министерство за здравство, околу 95 отсто од децата се вакцинирани што ја сместува земјата меѓу оние со највисок степен на имунизација. Претседателката на собраниската Комисија за здравство, Беса Бафтиу вели дека благодарение на високиот процент на имунизација во последните години не е забележан ниту еден случај на сипаници.
„Градоначалникот, на наша иницијатива, потпиша одлука со која се наложува лицата кои примаат социјална помош да достават уверение од Центарот за семејно здравје дека детето им е вакцинирано, во спротивно нема да ја примат помошта. Ова помогна многу во општина Косово Поле бидејќи вакцинирањето се зголеми на 93 отсто“, изјави Арифи.
Бафтиу, која е неонатолог по професија, за Радио Косово изјави дека имунизацијата е една од светлите точки во косовското здравство, но подвлекува дека и натаму останува проблем вакцинирањето на децата од заедницата Роми, Ашкалии и Египќани (РАЕ).
„Оние три до пет отсто невакцинирани деца припаѓаат на заедницата РАЕ. Затоа нѝ преостанува уште доста работа, тргнувајќи веројатно од одделот каде што јас работам како неонатолог, каде што има млади мајки кои имаат отпор кон вакцинирањето на бебињата“, вели Бафтиу и додава дека новороденчињата не примаат морбили туку БЦЖ, односно вакцина против туберкулоза и хепатит Б.
Мухамед Арифи од организацијата „Балкан Сан Флауерс“ („Балкански сончогледи“) вели дека од 2017 година кога едно лице починало од сипаници поради тоа што не било вакцинирано, се преземаат бројни активности, вклучително и одење од врата на врата за вакцинирање на децата од заедницата РАЕ во Косово Поле.