Оскар Рамирез, селектор на фудбалската репрезентација на Костарика, го објави списокот со патници на Светското првенство во Русија (14 јуни-15 јули). За разлика од дел од неговите колеги кои излегоа со проширена листа за мундијалот, неговата е скратена и конечна.
Прва ѕвезда во тимот е Кејлор Навас. Покрај голманот на мадридски Реал, внимание привлекува и Џоел Кемпбел од Арсенал и Брајан Руиз, клупски колега на Стефан Ристовски од Спортинг Лисабон.
Костарика ќе игра во групата Е на СП 2018 заедно со селекциите на Бразил, на Србија и на Швајцарија.
Список на Костарика за Светското првенство во Русија
Голмани: Кејлор Навас (Реал Мадрид), Патрик Пембертон (Алахуенсе), Лионел Мореира (Хередијано)
Одбрана: Кендал Востон (Ванкувер), Оскар Дуарте (Еспањол), Џанкарло Гонзалез (Болоња), Брајан Овиедо (Сандерленд), Кристијан Гамбоа (Селтик), Франсиско Калво (Минесота), Роналд Матарита (Њујорк сити), Ијан Смит (Норчепинг), Џони Акоста (Рио Негро)
Среден ред: Селсо Борхес (Депортиво ла Коруња), Брајан Руиз (Спортинг Лисабон), Давид Гузман (Портланд), Јељцин Техеда (Лозана), Родни Валас (Њујорк сити), Кристијан Болањос (Саприса), Рендал Азофеифа (Хередијано), Даниел Колиндрес (Саприса)
Напад: Марко Урења (Лос Анџелес), Џоел Кемпбел (Бетис), Јохан Венегас (Саприса)