Ковачевски и Петков на Универзитетот во Софија: Ги охрабруваме државните универзитети на комуникација и соработка

Премиерите на Северна Македонија и на Бугарија, Димитар Ковачевски и Кирил Петков денеска во Софија, како дел од програмата на официјалната посета на македонската Влада, го посетија државниот универзитет „Св. Климент Охридски“.

Двајцата премиери имаa куса средба со ректорот Атастас Герџиков на која станало збор и за заедничкиот интерес на двете влади да ја охрабрат комуникацијата и соработката меѓу државните универзитети во двете земји.

Претставниците на Универзитетот „Св. Климент Охридски“ и на Економскиот факултет ги запознале гостите со заедничката програма на Универзитетот „Харвард“ од САД со Софискиот државен универзитет на магистерските студии на Економскиот факултет, на кој гостин професор е и премиерот на Бугарија Петков.