Кривичниот суд потврди дека на бизнисменот Сеад Кочан, првоосомничен во случајот „Труст“ на Специјалното јавно обвинителство привремено му се замрзнати сметките.
На барање на СЈО, судот донел две решенија. Едното е привремено одземање на имотот, а второто е привремена забрана за вршење на финансиски трансакции за компанијата „Трансмет“.
На бизнисменот Кочан во март оваа година, судија на претходна постапка од Кривичниот суд му одреди 30 дневен притвор, а по жалбата од одбраната решението за притвор го потврди и Апелацискиот суд.
Инаку, истиот ден кога му беше изречен притворот, Кочан заминал на „службено патување“ и ако од тогаш поминаа два месеца, тој се уште не е вратен.
Според Апелацискиот суд, Кочан веќе два месеца е во бегство.
Кочан во случајот „Труст“ на СЈО се сомничи за злоупотреба на службена положба во 2012 година кога бил управител на „Трансмет ДОО“ и со лажни документи добил тендер од ЕЛЕМ во вредност од 17 милиони евра.
барање за