Published: Friday, October 29, 2021 13:26
На денешната прес конференција, портпаролката на СДСМ, Богданка Кузеска рече дека кандидатката за градоначалник на Град Скопје поддржана од редовите на ВМРО-ДПМНЕ, Данела Арсовска ја излажа јавноста и којзнае што се друго крие.
„Објавените документи докажуваат дека Арсовска ја излажа јавноста. Таа има бугарско државјанство и бугарски документи и не е важно како таа се чувствува, туку зошто крие“, рече Кузеска.
Во продолжение обраќањето на Кузеска:
„Јавноста ја дозна вистината за кандидатката на ВМРО-ДПМНЕ и кадар на Груевски, Данела Арсовска. Сите нејзини лаги се целосно разобличени. Сѐ што сакаше да сокрие Арсовска излезе на виделина. Објавените документи покажуваат дека Данела Арсовска ги излажа граѓаните, таа поседува бугарско државјанство и бугарска лична карта. Не е проблем тоа како се чувствува Арсовска, проблем е што ги гледа граѓаните во очи и ги лаже додека ја бара нивната доверба.
Ако Арсовска се крие и лаже за вакви работи, за што се друго лаже? Овој нечесен, неодговорен однос е потценување на граѓаните и жителите на Скопје.
Ваквото однесување е одлика на режимската матрица на ВМРО-ДПМНЕ чиј кадар и кандидат е и самата Данела Арсовска. За таквиот нечесен однос Арсовска ќе го добие одговорот од граѓаните на изборите во недела.
Скопјанки и скопјани нема да дозволат ВМРО-ДПМНЕ и Левица да го уништуваат градот. Граѓаните знаат дека со СДСМ се на сигурно, дека СДСМ е гарант дека градот и државата се на курсот на напредокот, на развојот, на интеграцијата и еднаквоста. Во недела граѓаните ќе донесат одлука Скопје да продолжи по исправниот пат на развојот и напредокот со Петре Шилегов.
Во недела граѓаните ќе ги поразат остатоците од режимот поддржани од лажните левичари од Левица. Од гласот на граѓаните в недела зависи и мнозинството во градскиот совет.
Ништо не е завршено, битката во Скопје е в недела, по што ќе видиме кој има реално мнозинство.
Сите независни листи, реалните гласови на граѓаните не можат да бидат надвор од Советот на Град Скопје, СДСМ ќе ги вклучи и нив.
В недела обединувањето на демократските, прогресивните сили во Скопје, обединувањето на гласот за напредок ќе значи и пресврт во советот.
Почитувани граѓани,
Ајде да се обединиме сите, сите прогресивни и демократски сили, за Скопје да остане на вистинскиот пат, да продолжи рамномерниот развој на градот.
Да заокружиме 12 за Петре Шилегов, за СДСМ и коалицијата”.