Роберт Просинечки поднесе оставка на кормилото на фудбалската репрезентација на БиХ по третиот пораз во шестиот меч во групата Ј во квалификациите за Европското првенство во 2020 година. Ерменија славеше со 4:2 во Ереван и се проби на третата позиција на табелата со три бода помалку од второпласираната Финска.
„Ја презедов репрезентацијата со цел да одиме на Европското првенство. Иако шансите не се загубени, сепак, се чувствувам одговорен и поднесувам оставка. Со одлуката го запознав и претседателот на Федерацијата, Елведин Бегиќ“, рече Просинечки на прес-конференцијата по мечот во Ереван.
Поразот за БиХ во Ереван практично значи губење на шансите за пласман на ЕП 2020 низ квалификациите. На четири кола до крајот, репрезентацијата е четврта во групата со седум бода, а во наредното коло ќе игра на домашен терен со Финска. Но, Џеко, Пјаниќ и соиграчите, сепак, остануваат во игра за завршниот турнир догодина преку Лигата на нации.
Квалификации за ЕП 2020
Група Д
Грузија – Данска 0:0
Швајцарија – Гибралтар 4:0
Табела: Р. Ирска 11 бода (5 меча), Данска 9 (5), Швајцарија 8 (4), Грузија 4 (5), Гибралтар 0 (5).
Група Ф
Шведска – Норвешка 1:1
Романија – Малта 1:0
Шпанија – Фарски Острови 4:0
Табела: Шпанија 18 бода (6 меча), Шведска 11 (6), Романија 10 (6), Норвешка 9 (6), Малта 3 (6), Фарски Острови 0 (6).
Група Ј
Финска – Италија 1:2
Ерменија – БиХ 4:2
Грција – Лихтенштајн 1:1
Табела: Италија 18 бода (6 меча), Финска 12 (6), Ерменија 9 (6), БиХ 7 (6), Грција 5 (6), Лихтенштајн 1 (6).